المقاديركيلو سميد ناعم
400 غرام سمنة
كأس حليب سائل
نصف ملعقة صغيرة محلب
ملعقة ماءزهر
التحضير
نخلط السميد والمحلب مع بعض
نسخن السمنة لدرجة الغليان ونسكبها فوق السميد ونفرك باطراف الاصابع حتى يتشرب السميد السمنة.وننقعه مدة يوم كامل مع التقليب كل 3 ساعات باطراف الاصابع
في اليوم الثاني نغلي الحليب ونضعه فوق السميد ونحرك ونضيف الماءزهروبعدها نطحن السميد على ماكينة الكبة لينعم انا بطحن دور واحد للني بحب قرشة السميد
ممكن تطحنيه دورين اذا حبيتي يكون ناعم كتير ومنريحو شي ساعة لبين ما نجهز الحشوات
حشوة التمر
تمر مطحون نعجنه مع ملعقة سمنة او زبدة طيبة او زيت حسب رغبتك ليعطيه طراوة مع رشة قرفة وادعكي لبين ما تطرى وقطعيها كرات صغيرة للحشي
حشوة الفستق الحلبي
حمصي الفستق قليلا على الغاز مع التقليب المستمر لحتى نتخلص من الرطوبة وبعدها منكسر حبات الفستق وممكن تتركيه صحيح ومنخلطو مع ملعقة قطر ليتجانس ويعلق ببعضو وكمية القطر تقدير منك على حسب كمية الفستق لا تكتري قطر بعدين بيعجن المعمول من الداخل
حشوة الجوز
منحمص الجوز ليتخلص من الرطوبة متل الفستق ومنكسروا ومنخلط معو ملعقة سكر بودرة وملعقة قرفة وشوي قطر ليتماسك ببعضو
ومنفتح قطعة العجين ومنحشي بالحشوة المرغوبة ومنشكلها بالقالب وعالفرن الحامي على حرارة 190 من تحت وبس بلشت تحمر من تحت شغلي من فوق بس شفتي اخدت ريحة لون من فوق طالعيها من الفرن واتركيها بالصينية لتبرد وبعدين فضيها
لا تطولي عالمعمول بالفرن بعدين بيقسى
اذا فسخت العجينة معك بالفرن معناتا السوائل قليلة حطي جنبك حليب وبللي ايدك وقت بتشتغلي واذا الحشوة كتيرة كمان ممكن يفسخ
ممكن تتسائلي انو العجينة ما فيها سكر انا ما بحطلا لانو حشوة التمر حلوة والمحشي مكسرات بس يطلع من الفرن ويبرد منرشلو سكر بودرةبواسطة مصفاية الشاي وانتبهي لاترشي وهو سخن بيرطب السكر وبيصير شكلو بشع
اذا حبيتي تحطي سكر للعجينة ممكن تحطي مابين ربع للنصف كاس سكر بودرة
0 التعليقات:
إرسال تعليق