المقادير 3 كاسات برغل ناعم
300 غرام لحمة هبرة مخفوقة
ملح وبهار ورشة كمون وبصلة
الحشوة
لحمة مفرومة ناعمة مقلاية مع بصلة مفرومة ناعم مع رشة ملح وبهار حلبي ووضع قليل من المكسرات حسب الرغبة مع الحشوة
سمن لدهن الصينية ووضع قليل فوق قطع الكبة .
الطريقة
نغسل البرغل وننقعه مدة نصف ساعة بعدها على ماكينة اللحم نفرم البرغل دور اول مع بصلة ورشة ملح ومع البرغل فيكي ترشي بخات مي اذا حسيتي ما عميمشي منيح بالماكينة ونخفق دور تاني مع الهبرة وبس انتهينا ندعك المزيج بيدنا لمدة 5 دقائق وبعدها نبدأ بتشكيله لكرات نفتحها ونحشيها بحشوة اللحم ونسكرها ونحاول دايما بفتح وتسكير الكبة يكون جانبنا وعاء فيه ماء بارد للمساعدة على تمليس قطعة الكبةونحاول باصبعنا نكبس عليها من فوق لنعمل حفرة صغيرة وعندما ننتهي نضعها في صينية مدهونة سمنة وعالفرن بالرف الاوسط على حرارة 200 من فوق وتحت بالبداية وبعده 10 دقايق نطفي من فوق ونتركها لتقرب تحمر من تحت منرجع منشعل من فوق وحاولي كل شوي تفتحي ومن نفس السمنة بالصينية تسقي قطع الكبة حتى ما تنشف وبس احمرت واستوت غطيها وطفي الفرن واتركيها بالفرن شي ربع ساعة هالخطوة بتساعد انو ما تنشف الكبة وبس طالعتيها ورتبتيها بصحن التقديم بتحاولي تحطي بالحفرة شوي فستق حلبي مطحون بيعطيها منظر حلو عالسفرة
0 التعليقات:
إرسال تعليق