شوكولا للضيافة

شوكولا خام دارك
الحشوات مختلفة وحسب رغبتك
انا حشيت قسم  باونتي جوز الهند عجنتو مع شوية قشطة ونتفة سكر بودرة وكورتن وحطيتن بالبراد لوقت الحشي
وقسم آخر باونتي ع شوكولا متل حشوة الباونتي لكن خلطت مع القشطة ملعقة كاكاو
وقسم فستق حلبي بعد ما حمصتو شوي عالنار يعني تقليبتين شي تروح منو الرطوبة
دوبت الشوكولا على حمام مائي وبعد ما دابت حطيت معها نتفة زبدة ودهنت القوالب اول دور وحطيتن بالفريزر شي ربع ساعة ليجمدوا ورجعت طالعتن ودهنت دور تاني ورجعتن عالبراد وممكن تحتاجي دور تالت ولكن حسب ما بتحبي السماكة ممكن تكتفي بدورين
بعد ما يبردوا منيح منحشي كل قطعه ومنرجع منحط فوق الحشوة طبقة شوكولا لحتى تتغلف واطرقي القوالب طرقتين عالرخامة لحتى تتخلصي من فقاعات الهوا وحطين بالفريزر شي ساعة ليتماسكوا منيح وبعدها طالعين واقلبين على مهلك رح يقلبوا لوحدن وما رح يعذبوكي لأن القوالب سيليكون
وبعدها فيكي تغلفين بورق ملون خاص