مربى الفريز /فراولة/

المقادير
كل1 كيلو فريز
نصف كيلو سكر +كاس ..يعني الكمية 4 كاسات
ملعقتين وسط عصير ليمون .. ملعقة صغيرة ملح ليمون
التحضير
بتنظفي العقب الاخضر وبتغسلي الفريز وبتصفيه بالمصفاية منيح
أذا الفريزة كبيرة اقطعيا بالنص واذا صغيرة اتركيها بلا تقطيع
بتحطي الفريز بطنجرة وبتحطي فوقو السكر وبتتركيه 4 او 5 ساعات لتنزل منو السوائل وبعدها بتحركي ليدوب السكر على مهل
بتصفي قطع الفريز على مصفاية وبتحطي السوائل الي نزلت من الفريز عالنار وبس تبلش تغلي بتوطي الناروبتحاولي رفع الرغوة كل ما تشكلت لأن عدم رفعها بيعكر لون المربى
بتتركيه يغلي ليعقد وبعدين بتحطي قطع الفريز وبس بلش يغلي بضيفي عصير الليمون وخليه يغلي على نار واطية لمدة ساعة وبتطفي النار وبتكوني مجهزة طنجرة فيها ماء بااارد مثلج وبتحطي فيها طنجرة الفريز مع مراعاة عدم وصول الماء للمربى والتبريد بيساعد عالحفاظ على لونو الحلو وبس برد بترجعي تحطيه عالنار ليغلي شي نصف ساعة وبس غلى حطي ملح الليمون وحركي وطفي النار
ممكن بهالمرحلة انك تحطي نص ظرف جيليه ع نكهة فريز وهيك بيساعد عالسماكة اكتر
وبترفعي الطنجرة كمان على ماء مثلج وبعدها شيلي طنجرة المربى من الماء
واتركيها على طرف شي ساعتين وبعدها عبيه بقطارميز معقمة